الموقع ده مش بيتابعك.

لما تتصفح الموقع

الموقع مش بيستخدم كوكيز، ومفيش فيه أدوات تتبّع ولا إعلانات ولا عدّاد زوار. الخطوط والصور كلها جاية من الموقع نفسه، فمفيش شركة تانية بتعرف إنك دخلت هنا.

الشركة اللي مستضيفة الموقع ممكن تسجّل بيانات تقنية عادية، زي عنوان الـ IP ونوع المتصفح ووقت الزيارة، عشان الموقع يفضل شغال وآمن. إحنا مش بنستخدم البيانات دي عشان نعرف انت مين.

لما تبعتلنا رسالة

نموذج «ابدأ مشروع» مش بيبعت ولا بيحفظ حاجة عندنا. هو بس بيجهّز رسالتك، وبعدين بيفتحها في واتساب أو في تطبيق الإيميل، وانت اللي بتقرر تبعتها ولا لأ.

اللي بيوصلنا هو اللي انت بتبعته بس: اسمك، واسم شغلك، ورسالتك، ورقمك أو إيميلك.

بلاش تبعت كلمات سر أو مستندات سرية في أول رسالة. لو احتجنا حاجة زي كده، هنتفق على طريقة آمنة نستلمها بيها.

بنستخدم رسايلك في إيه

عشان نرد عليك، ونفهم مشروعك، ونتفق معاك على الشغل.

مش بنبيع بياناتك، ومش بنديها لحد يعمل بيها تسويق، ومش هنبعتلك إعلانات من غير ما تطلب.

واتساب والمواقع التانية

لما تكلمنا على واتساب، واتساب نفسه بيتعامل مع الرسالة حسب سياسة الخصوصية بتاعته.

صفحة المشاريع فيها لينكات لمواقع تانية. لما تفتح واحد منها، بتبقى تبع سياسة الموقع ده، مش سياستنا.

بنحتفظ بيها قد إيه

بنحتفظ بالمحادثة طول ما إحنا بنتكلم عن المشروع أو شغالين فيه، وبعد كده قد ما نحتاجها لسجلات الشغل والفواتير بس.

تقدر تطلب إننا نمسحها في أي وقت، إلا الحاجات اللي لازم نحتفظ بيها عشان الحسابات.

حقك

تقدر تسألنا إيه اللي عندنا عنك، أو تطلب نصلّحه أو نمسحه. ابعتلنا وهنرد عليك بنفسنا.

لو حاجة اتغيرت

لو ضفنا في يوم أداة بتعد الزوار أو أي حاجة بتجمع بيانات، هنحدّث الصفحة دي الأول، ونغيّر التاريخ اللي فوق.